කොළඹ LNW:ජාතික ජන බලවේගයේ එකිනෙකාගේ කතා පරස්පර වන අතර ඔවුන් තාමත් ඉන්නේ ළිඳේ ඉන්න මැඩියෝ වගේ යැයි සමඟි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පවසයි.
ඔවුන්ට ආර්ථික ප්‍රතිපත්තියක් ඇත්ද යන්න සැක සහිත වන අතර ඔවුන් ආර්ථික විවාදය මඟහරිමින් සිටින බවයි අත්තනායක මහතා සඳහන් කරන්නේ.
ජාතික ජන බලවේගයේ ජාත්‍යන්තර ආයෝජන ගැන විශ්වාසයක් තැබිය නොහැකි බවද මන්ත්‍රීවරයා කියා සිටියි.
”අද ජාතික ජන බලවේගයට ආර්ථික ප්‍රතිපත්තියක් තියෙනවද කියලා ප්‍රශ්නයක් තියෙනවා. ඔවුන් ආර්ථික විවාදය මග අරිනවා. අනුර ළඟදි කියනවා අපේ ආර්ථික ප්‍රතිපත්තිවල පරස්පරතා තියෙනවා කියලා. අපිට එහෙම පරස්පර එකක් නෑ. නලින්ද ජයතිස්ස කියනවා අපේ නායකයින් කටින් කියන එක තමයි අපේ ආර්ථික ප්‍රතිපත්තිය කියනවා. එහෙම එකක්නම් ඉතාම භයානකයි. අනුරගේ මුදල් ඇමති සුනිල් හදුන්හෙත්ති අමුතු කතා කියනවා. ඔහු කියනවා විදේශ ඉන්න අයගෙන් ඩොලර් එකතුකරනවා කියනවා. විදේශ ණය අත්හිටුවනවා කියනවා. සුනිල් හදුන්හෙත්ති මුදල් අමාත්‍යවරයා කියනවා ඉලෝන් මස්ක් කියන්නේ ආර්ථික ඝාතකයෙක් කියලා. ඉලෝන් මස්ක් කියන්නේ ලෝකය පරිවර්තන කරපු කෙනෙක්. මෙහෙම මැටි මොලවල් එක්ක ගමනක් යන්න බෑ. ජාතික ජන බලවේගය තවම ඉන්නේ ළිඳේ ඉන්න මැඩියන් වගේ. ඇත්තටම ජාතික ජන බලවේගයේ ජාත්‍යන්තර ආයෝජන ගැන විශ්වාසයක් තියන්න බෑ. ජාත්‍යන්තර ණය ගෙවන්නේ නෑ කියලා ජාත්‍යන්තරය දිනාගන්න පුලුවන්ද?” යනුවෙන් තිස්ස අත්තනායක මහතා වඩිදුරටත් පවසයි.
ASK
