සටහන – රුවන් නෙළුගොල්ල
නීතිවිරෝධී ලෙස මෙරටට රැගෙන ආ රුපියල් කෝටි පහකට ආසන්න වටිනාකමින් යුත් රන් බිස්කට් තොගයක් ගුවන් තොටුපලේ සිට රට තුළට රැගෙන යාමට තැත් කළ ගුවන් තොටුපල ආරක්ෂක නිලධාරියෙකු රේගු නිලධාරීන් විසින් අත් අඩංගුවට ගෙන තිබේ.
මෙසේ අත් අඩංගුවට ගෙන ඇත්තේ හක්මන ප්රදේශයේ පදිංචි 40 හැවිරිදි පුද්ගලයෙකි. ඔහු වසර 15ක් තිස්සේ ගුවන් තොටුපල ආරක්ෂක නිලධාරියෙකු ලෙස සේවය කරන බව සඳහන්.
අද (21) අළුයම විදෙස් රටක සිට පැමිණි පුද්ගලයෙකු කටුනායක ගුවන් තොටුපලේ සංක්රමණික ගුවන් මගී පර්යන්තයේ වැසිකිළියක් තුළදී අදාළ ආරක්ෂක නිලධාරියාට රන් බිස්කට් 18ක් ලබාදී ඇති අතර ඔහු ඒවා සිය ඇඳුමේ සඟවාගෙන ගුවන් තොටුපලෙන් පිටව යාමට උත්සාහ දරන අවස්ථාවේදී රේගු මත්ද්රව්ය පාලන අංශයේ නිලධාරීන් විසින් ඔහුව අත් අඩංගුවට ගෙන ඇත.
ඔහු සතුව තිබී සොයාගත් රන් බිස්කට් තොගයේ බර කිලෝග්රෑම් 02 යි ග්රෑම් 86ක් බව සඳහන්.
මූලික විමර්ශනවලදී අනාවරණය වී ඇත්තේ රුපියල් 60,000 ක මුදලක් ලබාදීමේ පොරොන්දුව මත ඔහු මෙම රන් තොගය ගුවන් තොටුපලෙන් පිටතට ගෙනගොස් දීමට උත්සාහ කර ඇති බවකි.
RN
