සටහන: සශිකලා මධුෂාණි
නොවැම්බර් 27; ලෝකය(අවුට්බවුන්ඩ් ටුඩේ) : සිරගත කර සිටින හිටපු අගමැති ඉම්රාන් ඛාන් අවසානය තෙක් සටන් කරන ලෙස සිය පාක්ෂිකයන්ගෙන් ඉල්ලා ඇති බව වාර්තා වේ.
පකිස්ථානයේ හිටපු අග්‍රාමාත්‍ය ඉම්රාන් ඛාන් නිදහස් කරන ලෙස ඉල්ලා ඊයේ(26)දිනයේදී පකිස්තාන් ටෙහ්රීක්-ඊ-ඉන්සාෆ් (පීටීඅයි) පක්ෂයේ ආධාරකරුවන් නගරයේ අගුලුලාම නොතකා 50,000කට අධික පිරිසක් ඉස්ලාමාබාද් අගනුවරට රැස්වීමත් සමඟ රජයේ හමුදාව ඔවුන් දැඩිව මර්ධනය කිරීමත්, රජය සාකච්චා ලබා දීම ප්‍රතික්ෂේප කිරීමත් සමඟ ඉම්රාන් ඛාන් මේ සම්බන්ධයෙන් මෙලෙස සඳහන් කර තිබේ.
සමාජ මාධ්‍යවල සටහනක් තබමින්, ඛාන් විරෝධතාකරුවන්ට ප්‍රකාශ කර තිබුණේ, සාමකාමීව හා එක්සත්ව සිටින ලෙසත් ඔවුන්ගේ අරගලය පකිස්ථානයේ නොනැසී පැවැත්ම හා නිදහස වෙනුවෙන් වන බවත්ය.
PTI ආධාරකරුවන් සිය ගණනක් අඟහරුවාදා උදෑසන ඉස්ලාමාබාද්හි ඉතා ශක්තිමත් රතු කලාපයේ පිහිටි D-Chowk වෙත ළඟා වූ අතර එහි ප්‍රධාන රජයේ කාර්යාල පිහිටා තිබේ. මෙම පිරිස පලවා හැරීමට කඳුළුගෑස් හා සජීවී ගිනි අවි භාවිතා කළ බවට හමුදාවට චෝදනා එල්ල වී ඇති අතර PTI ආධාරකරුවන් හා හමුදාව අතර ගැටීමෙන් හමුදා නිලධාරීන් 5 දෙනෙකු හා සිවිල් වැසියන් දෙදෙනෙකු ජිවිතක්ෂයට පත්ව තිබේ.
