රෂිකා හෙන්නායක ජූලි 13, කොළඹ LNW :
පොලිස් විශේෂ කාර්ය බලකායේ නිලධාරීන්ට ලද තොරතුරක් මත සිදු කළ පරීක්ෂාවකදී, ඉන්දියාවේ සිට මන්නාරමේ පේසාලේ දක්වා රැගෙන එන ලද මත්පෙති ලක්ෂ දෙකක ප්රමාණයක් අත්අඩංගුවට ගෙන තිබෙන බව වාර්තා වේ.
නමුත් ඒවායෙහි අයිතිකරුවන් ඒ වන විට පලා ගොස් ඇති බව වාර්තා වන අතර, පොලිස් විශේෂ කාර්ය බලකායේ නිලධාරීන් සඳහන් කර සිටියේ, ඉන්දියාවේ සිට පේසාලේ ප්රදේශයට රැගෙන එන්නට ඇතැයි විශ්වාස කෙරෙන මෙම මත්පෙති තොගයේ වටිනාකම රුපියල් ලක්ෂ 300 ක් පමණ වන බවයි.
අත්අඩංගුවට ගැණුනු මෙම මත්පෙති තොගය වැඩිදුර පරීක්ෂණ කටයුතු සදහා පේසාලේ පොලීසිය වෙත බාර දී තිබෙන බවද වාර්තා වේ.
