සටහන: සශිකලා මධුෂාණි
අප්රේල් මස 15; ලෝකය(අවුට්බවුන්ඩ් ටුඩේ): ඉරානයට එරෙහිව විශාල ප්රහාරයක් සඳහා ඇමරිකා එක්සත් ජනපදය හා ඊශ්රායලය රහස් සාකච්ජා පවත්වමින් සිටින බව රුසියානු ආරක්ෂක කවුන්සිලය (Russian Security Council) දැඩි අනතුරු ඇඟවිම් නිකුත්කර තිබේ.
එමෙන්ම මේ සඳහා එක්සත් ජනපදය මැදපෙරදිග කලාපයේ හමුදා බලය වැඩි කරමින් සිටින බවත්, එයට සුදානම් වීම සඳහා කල් තියා සැලසුම් කරන ලද සති දෙකක සටන් විරාමය භාවිතා කළ බවත්, රුසියානු බුද්ධි අංශ හෙළි කරමින් රුසියානු රාජ්ය මාධ්ය වන TAAS වාර්තා කර ඇත.
රුසියානු විදේශ අමාත්ය සර්ජි ලැව්රොව්, එක්සත් ජනපදය සහ ඊශ්රායලය නීති විරෝධී ක්රියාමාර්ග සම්බන්ධයෙන් චෝදනා කළ අතර, මෙම පියවර කලාපය අස්ථාවර කිරීමට සහ ජාත්යන්තර නීතිය නොසලකා හැරීමට සැලසුම් කර ඇති බවට ප්රකාශ කර ඇත. එමෙන්ම එක්සත් ජනපදය සහ ඊශ්රායලය විසින් සිදු කරනු ලබන අඛණ්ඩ ක්රියාමාර්ග අනපේක්ෂිත ප්රතිවිපාක නිර්මාණය කරන බවට රුසියාව අනතුරු අඟවා ඇති අතර අනෙකුත් ජාතීන් විශාල ගැටුමකට ඇද දැමිය හැකි ක්රියාමාර්ග නතර කරන ලෙස දෙපාර්ශවයෙන්ම ඉල්ලා තිබේ.
