සටහන: සශිකලා මධුෂාණි
ජුනි මස 15: ලෝකය(අවුට්බවුන්ඩ් ටුඩේ): එක්සත් රාජධානියේ වයස අවුරුදු 16 ට අඩු ළමුන් සඳහා සමාජ මාධ්‍ය භාවිතාව තහනම් කරන බව අගමති කියර් ස්ටාමා ප්‍රකාශ කර තිබේ.
මේ සම්බන්ධයෙන් ඩවුනින් විදියේ පැවති සාකච්ජාවකදී මාධ්‍යවේදීන් අමතිමින් අගමැතිවරයා සඳහන් කර තිබුණේ, සමාජ මාධ්‍ය ළමයින් අසතුටට පත් කරයි, එය හිරිහැර කරන්නන්ට ඔවුන්ට හිරිහැර කිරීමට සහ අපයෝජනය කිරීමට පහසු කරයි, එය ඔවුන්ගේ මානසික සෞඛ්‍යයට පවා හානි කළ හැකි බවයි.
මෙම සැලැස්මට ක්‍රීඩා යෙදුම් වැනි මාර්ගගත සියලුම ප්‍රධාන සමාජ වේදිකා තහනම් කිරීම ඇතුලත් වන අතර වසර අවසන් වන විට නීති සම්මත කිරීම අරමුණ වන බවයි වැඩිදුරටත් සඳහන් කර තිබුණේ,
2025 දෙසැම්බර් මාසයේදී ඕස්ට්‍රේලියාව වයස අවුරුදු 16 ට අඩු ළමුන් සඳහා සමාජ මාධ්‍ය තහනම් කළ ලොව පළමු රට බවට පත්වීමත් සමඟ කැනඩාව, ඩෙන්මාකය, ප්‍රංශය, ජර්මනිය,ග්‍රීසිය,ඉන්දුනීසියාව, මැලේසියාව,පෝලන්තය, ස්ලෝවේනියාව, ස්පාඤ්ඤය හා තුර්කිය ද වයස 16ට අඩු දරුවන් වෙනුවෙන් සමාජ මාධ්‍ය සිමා කිරීම් ජාතික අවශ්‍යතාවක් වශයෙන් සලකා නීති සම්පාදනය කිරීමට කටයුතු කර තිබේ.
