රෂිකා හෙන්නායක ජූලි 26, කොළඹ LNW :
සෞදි අරාබියේ පැවැති උණුසුම් බොක්සිං තරගයකදී Anthony Joshua , ක්රිස්ටියන් ප්රෙන්ගා පරාජය කරමින් අත්පත් කරගත් විශිෂ්ට ජයග්රහණයේදී , පළමු වටයේදී දෙවරක්ම ඇද වැටුණද, දෙවන වටයේදී ප්රබල ප්රහාරයක් එල්ල කරමින් ප්රතිවාදියා පරාජය කිරීමට ජෝෂුවා සමත් විය.
මාරක රිය අනතුරකින් පසු ඔහු නැවත රින්ග් එකට පිවිසි පළමු අවස්ථාව මෙය වන අතර, මෙම ජයග්රහණය ටයිසන් ෆියුරි සමඟ පැවැත්වීමට නියමිත මීළඟ මහා තරගයට මඟ පාදයි.
සැබෑ ශූරයෙකුගේ වටිනාකම මැනිය හැක්කේ ඔහු ජයග්රහණයේ මල්දම් පලඳින මොහොතේ නොව, පරාජයේ මඩ ගොහොරුවට ඇද වැටුණු විට ඔහු නැවත නැගී සිටින ආකාරයෙනි. සවුදි අරාබියේ ජෙඩා (Jeddah) නුවර “ජෙඩා සුපර්ඩෝම්” රංගපීඨයේදී පසුගියදා පැවැති සටන එවැනි අතිශය උද්වේගකර මෙන්ම මානුෂීය හැඟීම්වලින් පිරිපුන් මොහොතක් විය. ලොවම මවිතයට පත් කරමින් ඇන්තනි ජොෂුවා, පරාජයේ අගාධයේ සිට ලබාගත් ඒ අසිරිමත් ජයග්රහණය බොක්සිං තරගයක් පමණක් නොව, නොසැලෙන මිනිස් අධිෂ්ඨානය පිළිබඳ මහා කතාවකි.
පසුගිය දෙසැම්බර් මාසයේදී නයිජීරියාවේදී සිදුවූ බිහිසුණු රිය අනතුරකින් ජොෂුවා තුවාල ලැබූ අතර, ඔහුගේ ආත්මයට සමීපතම මිතුරන් දෙදෙනෙකු වූ සිනා ගාමි (Sina Ghami) සහ ලතීෆ් ‘ලැට්ස්’ අයෝඩෙලේ (Latif ‘Latz’ Ayodele) එහිදී ජීවිතක්ෂයට පත් විය. මෙම සටන ඔහුට”Heavyweight” සටනක් නොව, තම මියගිය සහෝදරයන් වෙනුවෙන් පුද කළ ප්රණාමයක් විය. රින්ගය තුළ ඔහු විඳි පීඩනය පිටුපස වූයේ ඒ ගැඹුරු මානුෂීය වේදනාවයි.
ප්රෙන්ගාට එරෙහිව ලැබූ මෙම ජයග්රහණය, බොක්සිං ලෝකය දශකයකටත් වැඩි කාලයක් බලාපොරොත්තුවෙන් සිටින ඇන්තනි ජොෂුවා සහ ටයිසන් ෆියුරි (Tyson Fury) අතර මහා සටනට නිල වශයෙන් දොරටු විවර කළේය. ප්රවර්ධක එඩී හර්න් (Eddie Hearn) පවසන පරිදි, මෙම වසරේ නොවැම්බර් මාසයේදී දෙදෙනා අතර සටන පැවැත්වීමට මේ වන විටත් ගිවිසුම් අත්සන් කර ඇත. ටයිසන් ෆියුරි ද පසුගියදා තායිලන්තයේ පටායා (Pattaya) නුවරදී 46 හැවිරිදි පෝලන්ත ජාතික ප්රවීණ බොක්සිං ක්රීඩකයෙකු (Polish journeyman) වන මාරියස් වොච් (Mariusz Wach) පරාජය කරමින් සිය සූදානම තහවුරු කර තිබේ.
ජෝෂුවා මෙම ජයග්රහණය සිය මියගිය මිතුරන් වෙනුවෙන් කැප කළ බවත්, එය ඔහුගේ නොසැලෙන මානසික ශක්තිය විදහා පෑමකි.
රිය අනතුරකින් සිය සමීපතමයින් අහිමි වීම සහ රින්ගය මැද දෙවරක් බිම ඇද වැටීම යන කම්පන දෙකම දරාගෙන ඔහු නැගී සිටියේය. ශාරීරික ශක්තියට වඩා මානසික ශක්තිය බලවත් බවත්, ඕනෑම අඳුරු වලාකුළකට පසු රිදී රේඛාවක් ඇති බවත් ඔහු මුළු ලොවටම ඔප්පු කර පෙන්වීය.
