*
දේශීය පුවත් විස්තරය: සාරාංශය 09/30
- ආසියානු සංවර්ධන බැංකුවේ 55 වැනි මහා සභා රැස්වීම ජනාධිපති රනිල් වික්‍රමසිංහගේ ප්‍රධානත්වයෙන්! – අහස උසට නැඟෙන ආහාර, ඉන්ධන සහ පොහොර මිල ගණන් යුක්රේන යුද්ධය නිසා අඩපණ වූ සැපයුම් දාම වල ප්‍රතිවිපාක බව පවසයි. – මෙම තත්ත්වය කඩිනමින් විසඳීමට සාමූහිකව කටයුතු කරන ලෙස ණයහිමි සහ ණයගැති රාජ්‍යයන්ගෙන් ඉල්ලා සිටී.
- 22 වන ආණ්ඩුක්‍රම ව්‍යවස්ථා සංශෝධන කෙටුම්පත ඔක්තෝබර් 6 සහ 7 යන දිනවල විවාදයට ගැනීමට පක්ෂ නායකයෝ තීරණය කරති.
- ශ්‍රී ලංකාව සඳහා ජාත්‍යන්තර මූල්‍ය අරමුදලේ වැඩසටහන පිළිබඳ කාලසටහනක් පුරෝකථනය කළ නොහැකි බව ශ්‍රී ලංකාව සඳහා වූ ජාත්‍යන්තර මූල්‍ය අරමුදලේ ජ්‍යෙෂ්ඨ දූත මණ්ඩල ප්‍රධානී පීටර් බෲවර් පවසයි. – ණය සහන සාකච්ඡා ක්‍රියාවලියට කාලය ගත වන බව පැහැදිලි කරයි. – නමුත් මහ බැංකු අධිපති ආචාර්ය නන්දලාල් වීරසිංහ මීට පෙර කියා සිටියේ ජාත්‍යන්තර මූල්‍ය අරමුදලෙහි වැඩසටහන දෙසැම්බර් අග වන විට එම අරමුදලේ මණ්ඩලය විසින් අනුමත කිරීමට ඉඩ ඇති බවයි.
- මහ බැංකුවට, භාණ්ඩාගාර බැඳුම්කර බර මත දැරීමට සිදුවන සාමාන්‍ය බර සියයට 30 ඉක්මවයි – රජයේ අයවැය සහ කුඩා හා මධ්‍ය පරිමාණ ව්‍යවසාය අතිශය දැඩි පීඩාවක – වසර තුනකට සියයට 30.9; වසර පහකට සියයට 31.5; වසර නවයකට සියයට 30.1 – මෙම අනුපාතයන් 2022 මාර්තු වන විට පැවති එම අනුපාත මෙන් දෙගුණයකට වඩා ඉහළ ය. – මෙමඟින් ආර්ථික ස්ථායිතාවය, තිරසාරභාවය සහ වර්ධනයට ප්‍රභල බලපෑමක් එල්ලවනු ඇති බව විශ්ලේෂකයෝ අනතුරු අඟවති.
- කොළඹ වරාය නගරයේ පවත්වන ව්‍යාපාරවලට අදාළ මෙහෙයුම් නීති කොළඹ වරාය නගර කොමිෂන් සභාව විසින් නිකුත් කරයි. – වරාය නගරයේ ව්‍යාපාර ස්ථාපිත කිරීම සඳහා බලපත්‍ර අපේක්ෂා කරන්නන්ගෙන් වාර්ෂිකව ඇමරිකානු ඩොලර් 2,000 ක බදු මුදලක් අය කිරීමට කොන්දේසි!
- රට බරපතල දරිද්‍රතාවයකින්, රැකියා අහිමිවීමකින්, ආදායම් අහිමිවීමකින්, සහ මන්දපෝෂණයකින් පීඩා විඳිමින් සිටින බව සමඟි ජන බලවේගයේ පාර්ලිමේන්තු මන්ත්‍රී එරාන් වික්‍රමරත්න පවසයි. – බදු ඉහළ දැමීමට, ණය ප්‍රතිව්‍යුහගත කිරීමට සහ ජාත්‍යන්තර මූල්‍ය අරමුදලෙහි වැඩසටහනට සම්බන්ධ කරවා ශ්‍රී ලංකාව ප්‍රභල කොන්දේසි වලට යටත් කරවීමට දැඩි සේ අධිවාචන කටයුතු කළේ ද මේ එරාන් වික්‍රමරත්නම ය.
- ඉල්ලුම දැඩි ලෙස පහත වැටීම හේතුවෙන් වාහන මිල ශීඝ්‍රයෙන් පහත වැටෙමින් පවතින බව වාහන ආනයනකරුවන්ගේ සංගමයේ සභාපති ඉන්දික මෙරෙන්චිගේ පවසයි. – ඉල්ලුම අඩුවීමට හේතුව ජනතාවට දරාගත නොහැකි මිල ගණන් පැවතීමයි.
- ජූලි මාසයේදී හිටපු ජනාධිපති ගෝඨාභය රාජපක්ෂ ඉල්ලා අස්වීමත් සමඟ, පාර්ලිමේන්තුව බලහත්කාරයෙන් අල්ලාගෙන නව ජනාධිපතිවරයෙකු තෝරා පත් කර ගැනීමේ ඡන්දයක් පැවැත්වීම වළක්වාලමින් ආණ්ඩුව පෙරළීමට ඇතැම් ‘විරෝධතා’ කණ්ඩායම් දිරිමත් කළ බවට කියවෙන ඇතැම් දේශපාලනඥයන්ගේ සම්බන්ධතා පිළිබඳව පොලිසිය පුළුල් පරීක්ෂණ අරඹයි.
- ඉදිරි මාස 04 තුළ ශ්‍රී ලංකාව දිගු විදුලිය ඇණහිටීමකට සහ දෙවන විදුලි ගාස්තු සංශෝධනයකට මුහුණ දෙනු ඇති බව පුනර්ජනනීය බලශක්ති සම්මේලනයේ සභාපති තුසිත පීරිස් අනතුරු අඟවයි. – පුනර්ජනනීය බලශක්ති උත්පාදන ක්ෂේත්‍රයේ පවතින ගැටලු විසඳන ලෙස බලධාරීන්ගෙන් ඉල්ලා සිටී.
- ශ්‍රී ලංකාවේ සෞඛ්‍ය හා වයස්ගතවීම පිළිබඳ අධ්‍යයන සමූහය විසින් සිදු කරන ලද අධ්‍යයනයකින් හෙළි වන්නේ, වැඩිහිටි ශ්‍රී ලාංකිකයන් 03 දෙනෙකුගෙන් 01 අයෙකුටවත් අධි රුධිර පීඩනය ඇති බවත්, එම අධි රුධිර පීඩන තත්ත්වයන්ට එරෙහි ප්‍රතිකාර අවශ්‍ය වන බවත් ය.
