සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) සැප්තැම්බර් 11 : ඉන්දීය අගමැති නරේන්ද්‍ර මෝදිගේ සත්කාරකත්වයෙන් මෙවර 2026 BRICS සමුළුව සැප්තැම්බර් 12–13 දිනවල දී නවදිල්ලියේ පැවැත් වේ.
චිනය, ඉන්දියාව, රුසියාව, බ්‍රසීලය, ඊජිප්තුව, ඉතියෝපියාව, ඉරානය, ඉන්දුනීසියාව, එක්සත් අරාබි එමීර් රාජ්‍යය යන සාමාජික රටවල් මෙවර BRICS සමුළුවට එක් වන අතර මෙවර සභාපතිත්වය ඉන්දියාව දරන අතර, තේමාව “Building for Resilience, Innovation, Cooperation and Sustainability” යන්නයි.
වර්තමාන මැදපෙරදිග හා යුක්රේන ගැටුම් මෙන්ම ගෝලීය වෙළඳාම, බලශක්තිය සහ BRICS හි භූමිකාව පිළිබඳවද අවධානය යොමුවනු ඇති අතර විශේෂත්වයක් වන්නේ චීන ජනාධිපති ෂී ජින්පිං, රුසියානු ජනාධිපති ව්ලැදිමීර් පුටින් සහ ඉරාන ජනාධිපති මසූද් පෙසෙෂ්කියාන් ඇතුළු ප්‍රධාන නායකයන් සහභාගී වීමයි.
BRICS රටවල් ලෝක ජනගහනයෙන් අඩකට ආසන්න ප්‍රමාණයක් නියෝජනය කරන අතර, ගෝලීය ආර්ථික බලපෑමද වේගයෙන් වර්ධනය වෙමින් පවතී.
BRICS රටවල් විශේෂයෙන් අවධානය යොමු කරන්නේ ඩොලරය මත ඇති අධික රඳාපැවැත්ම අඩු කිරීම, දේශීය මුදල් භාවිතයෙන් වෙළෙඳාම පුළුල් කිරීම සහ ජාත්‍යන්තර මූල්‍ය ආයතන ප්‍රතිසංස්කරණය කිරීම පිළිබඳවය. සමුළුවට පෙර BRICS මූල්‍ය ප්‍රධානීන් IMF සහ ලෝක බැංකුව වැනි ආයතනවල තීරණ ගැනීමේ ව්‍යුහය වඩාත් නියෝජනාත්මක කළ යුතු බවටද ඉල්ලා තිබේ.
