ශ්‍රී ලංකාව සහ තායිලන්ත සහයෝගීතාවය !

රෂිකා හෙන්නායක නොවැම්බර් 21, කොළඹ LNW:

නිල සංචාරයක් සඳහා ශ්‍රී ලංකාවට පැමිණි තායිලන්ත රාජධානියේ නියෝජ්‍ය අග්‍රාමාත්‍ය සහ විදේශ කටයුතු අමාත්‍ය Sihasak Phuangketkeow මහතාව විදේශ කටයුතු සහ විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතා විසින් පිළිගත්තේය.

තායිලන්ත නියෝජ්‍ය අග්‍රාමාත්‍යවරයා නොවැම්බර් 20 සිට 23 දක්වා ශ්‍රී ලංකාවේ රැඳී සිටිනු ඇත.

මහ රජ මහා වජිරාලොන්ග්කෝර්න් (Maha Vajiralongkorn) රජුගේ රාජකීය නියෝජිතයා ලෙස පැමිණ සිටින ඔහු, අද දින මහනුවර අස්ගිරිය මහා විහාරයේ පැවැත්වෙන රාජකීය කඨින පින්කම සඳහා සහභාගී වීමට නියමිතය.

මෙම සංචාරය අතරතුර, ඔහු ජනාධිපති අනුර කුමාර දිසානායක මහතා සහ අග්‍රාමාත්‍ය ආචාර්ය හරිනි අමරසූරිය මහත්මිය හමුවීමටත්, විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා සමඟ ද්විපාර්ශ්වික සාකච්ඡා පැවැත්වීමටත් නියමිතය.

දෙරට අතර සංචාර පහසු කිරීම සහ ජනතාව අතර සබඳතා ශක්තිමත් කිරීමේ අරමුණින්, සාමාන්‍ය විදේශ ගමන් බලපත්‍ර හිමියන් සඳහා වීසා නිදහස් කිරීමේ ගිවිසුමකට අත්සන් තැබීම මෙම සංචාරයේ ප්‍රධාන අංගයක් වනු ඇත.

මෙම සංචාරය ශ්‍රී ලංකාව සහ තායිලන්තය අතර පවතින දීර්ඝකාලීන ඓතිහාසික, සංස්කෘතික සහ බෞද්ධ සබඳතා මනාව පෙන්නුම් කරන අතරම, වෙළඳාම, ආයෝජන, සංචාරක සහ විදේශ රැකියා යන ක්ෂේත්‍රවල සහයෝගීතාව සඳහා තවදුරටත් අවස්ථා විවර කර දෙයි.

Share post:

spot_imgspot_img

Popular

More like this
Related

OCA ගැන ශ්‍රේෂ්ඨාධිකරණයේ මතය මෙන්න!

ආශිකා බ්‍රාහ්මණ කොළඹ LNW:සංවිධානාත්මක අපරාධ වැළැක්වීමේ පනත් කෙටුම්පත සම්බන්ධයෙන් ශ්‍රේෂ්ඨාධිකරණයේ...

“US FBI නිලධාරීන්” ශ්‍රී ලංකා පොලිසියේ සහ නීතිපති දෙපාර්තමේන්තුවේ නිලධාරීන් සමඟ සාකච්ඡා!

රෂිකා හෙන්නායක නොවැම්බර් 21, කොළඹ LNW: එක්සත් ජනපද ෆෙඩරල් විමර්ශන...

කුසට සාගිනි, හදට සෝගිනි, පැලවත්තට ලැම්බෝගිනි, ජනතාවට බඩගිනි – කබීර්

මෙතෙක් ඉතිහාසය තුළ ශ්‍රී ලංකාවට රොල්ස් රොයිස් ඇතුළු අධිසුඛෝපභෝගී...

යුරෝපය සමඟ ආර්ථික හා වෙළෙඳ සබඳතා තවත් ශක්තිමත් කිරීමට බ්‍රිතාන්‍යය සැලසුම් කරයි

සටහන: සශිකලා මධුෂාණීලෝකය(අවුට්බවුන්ඩ් ටුඩේ) නොවැම්බර් 21 : යුරෝපා සංගමය...