ලාභ ලබන ආයතන කිහිපයක් ද ප්‍රතිව්‍යුහගත කිරීම සඳහා මෙවර අයවැයෙන් යෝජනා වී ඇති අතර එය සමාජය තුළ මහත් කතාබහට සහ විවේචනයට ලක්ව තිබේ.
ඒ සම්බන්ධයෙන් අමාත්‍ය නිමල් සිරිපාල ද සිල්වා මහතා කරුණු පැහැදිලි කිරීමක් සිදු කළේය.
“මුලින්ම පාඩු ලබන ව්‍යාපාර ප්‍රතිව්‍යුහගත කරන්න ඕනෙ. පාඩු ලබන ව්‍යාපාරවලින් අති දැවැන්ත ජනතා මුදල් ප්‍රමාණයක් නැති නාස්ති වෙනවා. ඒ නිසා ඒවා ප්‍රතිව්‍යුහගත කරන අතරම අපට ඩොලර් සංචිත ඉක්මනින් ගොඩනඟා ගැනීම අවශ්‍යයයි. ආර්ථික න්‍යායයක් වශයෙන් ඩොලර් සංචිත ප්‍රමාණය අපි වැඩිකර ගත්තොත් අපට ආර්ථිකය ස්ථාවර කරගැනීමට එය ඉතාමත්ම උදව් වෙනවා. ඒ නිසා තමයි ටෙලිකොම් වැනි ආයතන අපි ලාභ ලැබුවත් ඒවා ප්‍රතිව්‍යුහගත කිරීමක් තවදුරටත් කරලා, ඒ ලැබෙන ඩොලර් අපි එදිනෙදා පරිභෝජනය සඳහා ගන්නෙ නෑ. එතුමා ඒක ඉතා පැහැදිලිව කියලා තියෙනවා, ඒවා ඩොලර් සංචිතය ගොඩනැංවීම සඳහා අපි යොදාගන්නවා කියලා. මෙන්න මේ ආර්ථික ක්‍රමෝපාය හුඟක් අයට වැටහිලා නෑ. ඩොලර් සංචිතය ඉක්මනින් ගොඩනැඟීමේ ක්‍රියාවලියක් හැටියට තමයි ලාභ ලබන ආයතන කිහිපයක් ප්‍රතිව්‍යුහගත කිරීමට රජය සැලසුම් කරලා තිබෙන්නෙ. මේ පාඩු ලබන ආයතන පමණක් නෙවෙයි, වඩාත් ලාභ උපයන්නට පුළුවන් සුළු ලාභ ලබන ආයතන පවා ප්‍රතිව්‍යුහගත කිරීමේ අවශ්‍යතාවය තිබෙනවා මේ ආර්ථික අර්බුදයෙන් අපි ගොඩ ඒම සඳහා”
අමාත්‍ය නිමල් සිරිපාල ද සිල්වා මහතා මේ බව පැවසුවේ ඊයේ (21) අයවැය විවාදයට එක්වෙමිනි.
RN
