හිටපු පාර්ලිමේන්තු මන්ත්රී ආශු මාරසිංහ මහතා තමන් සම්බන්ධයෙන් පැතිර යන වීඩියෝව සහ ඡායාරූප පිළිබඳව අද (24) අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර තිබේ.
පැමිණිල්ල ඉදිරිපත් කිරීමෙන් අනතුරුව සිය නීතීඥවරයා සමග පිටතට පැමිණි ඒ මහතා මාධ්ය වෙත පැවසුවේ අදාළ වීඩියෝ පටය සහ ඡායාරූප සියල්ලම සංස්කරණය කරන ලද ඒවා බවයි.
එසේම ඒ සම්බන්ධයෙන් අදහස් දැක්වීම ද ඒ මහතා ප්රතික්ෂේප කළ අතර ඔහුගේ නීතීඥවරයා මාධ්ය වෙත වැඩිදුර කරුණු ප්රකාශ කළේය.
එම නීතීඥවරයා පැවසුවේ ඊයේ දිනයේදී මාධ්ය හමුවක් පැවැත්වූ ආදර්ශා කරඳන නම් කාන්තාව සහ ආශු මාරසිංහ මහතා අධ්යක්ෂ ධුර දරණ සමාගමක ආරවුලක් ඇතිවී තිබුණු බවත් ඒ වෙනුවෙන් ඇය මාරසිංහ මහතාගෙන් විශාල මුදලක් ඉල්ලා ඇති බවත් ය. එවන් පසුබිමක ඇය මෙවැනි අසත්ය සහ පිළිකුල් සහගත තර්ජනයක් සිදුකර ඇති බවත් ඒ තර්ජනය සම්බන්ධයෙන් මාරසිංහ මහතා අද දිනයේදී අපරාධ පරීක්ෂණ දෙපාර්තමේන්තුවට ප්රකාශයක් ලබාදුන් බවත් නීතීඥවරයා එහිදී පැවසීය.
RN
