කොරියාවේ ජියොන්ජූ හී හ්වාසන් ගෘහස්ථ ක්‍රීඩාංගණයේ පැවත්වෙන ලෝක ජ්‍යෙෂ්ට බැඩ්මින්ටන් සූරතාවලියේ අවුරුදු 45 න් ඉහළ කාණ්ඩායේ අවසාන තරගයට සුදුසුකම් ලබා ගැනීමට සමත් විය.ඒ අවසාන පූර්ව තරගයේදී ඒ අවසාන පූර්ව තරගයේදී එංගලන්තයේ රෙබෙකා පැන්ටනි පරාජය කරමින්ය.එම තරගයේ දී චන්ද්‍රිකා ලකුණු 23 – 21,20 – 22 සහ 21 18 ක් ලෙස රෙබෙකාව පරාජය කරන්නට සමත් වූවාය.
අවසාන තරගයේදී චන්ද්‍රිකාට හමුවන්නට නියමිතව ඇත්තේ නෙදර්ලන්තයේ ජෝර්ජි වැන් සොර්ලන්ඩ් ය.ඇය අවසාන තරගයට පිවිසුණේ මයුමි ෆුකසාවා 21 – 16 සහ 21 -17 ලෙස පරාජයට පත් කරමින්ය.
එසේම චන්ද්‍රිකා ද සිලවා ජර්මණියේ ක්ලෝඩියා වොගෙල්ග්සෑන්ග් සමඟ එකතු වී කාන්තා 45 ඉහළ යුගල අවසාන පූර්ව තරගයේදී නෙදර්ලන්තය නියෝජනය කරන ජොර්ජි වැන් සොර්ලන්ඩ් සහ නෙදර්ලන්තයේම මරියල් වැන් ඩර් වර්ඩට් පරාජය කිරීමට සමත් විය.ඒ ලකුණු 21 – 17 සහ 21 – 12 ලෙසය.එහිදී අවසාන තරගයේදී ඔවුන් දෙදෙනා තරග වදින්නේ ජපානයේ මිකී ජින් සහ මිකිකෝ ෂිමාඩා ට එරෙහිවය.
චන්ද්‍රිකා අවසාන පූර්ව තරගය ජය ගන්නට ප්‍රථම පීළිවෙලින් ස්ව්ට්සර්ලන්තයේ ෆ්‍රැන්සිස්කා ස්ට්‍රීබෙල්,ජපානයේ මිකිකෝ ෂිමාඩා යන ක්‍රිඩිකාවන් පරාජය කරන්නට සමත් වී ඇත.
මෙම තරගාවලියට අවුරුදු 35 ට වැඩි තරග අංශයෙන් නදීශා ගයන්ති ද සහභාගි වූවාය.ඇය ඉන්දියාවේ පාරුල් රාවත් ලකුණු 21 – 19 සහ 21 – 16 ක් ලෙස පරදවා අවසාන පූර්ව තරගයට පිවිසි අතර එම තරගයේදී ජපනායේ මානා යටාබේ ඉදිරියේ 21 – 10 සහ 21 – 14 ක් ලෙස නදීශා පරාජයට පත් වූවාය.
සටහන – නිෂ්මං රණසිංහ
