සටහන – රෂිකා හෙන්නායක
කොළඹ (LNW): ඊශ්‍රායලයේ අභ්‍යන්තර කටයුතු අමාත්‍ය Moshe Arbel සහ ඊශ්‍රායලයේ ශ්‍රී ලංකා තානාපති නිමල් බණ්ඩාරනායක මහතා අතර ගිවිසුමකට අත්සන් කර ඇති බව ඊශ්‍රායලයේ ව්‍යාපාරික ප්‍රවෘත්ති සේවයක් වන Globes වාර්තා කරයි.
එම ගිවිසුම අත්සන් කර ඇත්තේ, ශ්‍රී ලාංකික සේවකයන් 10,000ක් එරට ගොවිපලවල් සඳහා බඳවා ගැනීම සම්භන්ධවයි.
මෑතකදී කැබිනට් අනුමැතියෙන් කෘෂිකාර්මික අංශය සඳහා කම්කරුවන් 5,000 ක් ගෙන්වා ගැනීමට ඊශ්‍රායල සමාගම්වලට අවසර දුන් අතර, ඉන් පසුව මෙම ගිවිසුම අත්සන් තැබුණි.
ඊශ්‍රායලයේ කෘෂිකාර්මික කර්මාන්තය සඳහා දැනට පවතින යුධ ගැටුම් අහිතකර ලෙස බලපා ඇති අතර, බොහෝ විදේශීය කෘෂිකාර්මික කම්කරුවන් ආරක්ෂාව පිළිබඳ ගැටළු හේතුවෙන් රට හැර යන බවද වාර්තා වේ.
මෙම ගිවිසුම යටතේ ශ්‍රී ලාංකික කෘෂිකාර්මික සේවකයන්ගේ පළමු කණ්ඩායම ඉදිරි සති කිහිපය තුළ එරට රැකියා සඳහා පිටත් කර යැවීමට නියමිතය.
මේ වන විට ඊශ්‍රායලයේ ශ්‍රී ලාංකික ශ්‍රමිකයින් 4,500ක් පමණ සිටින අතර, ඔවුන්ගෙන් වැඩි දෙනෙක් ගෘහ ආරක්ෂණ අංශයේ සේවය කරන බවද තොරතුරු සඳහන් වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
