මේ වන විට ඉන්දුනීසියාව වැනි රටවල් හරිත ගිණුම්කරණය සිදුකරන බවත් එය නිශ්චිතවම ශ්රී ලංකාවට අවශ්ය බවත් විපක්ෂ නායක සජිත් ප්රේමදාස මහතා පැවසීය. ඒ හරහා රටේ තිබෙන ජාතික වශයෙන් වැදගත් වන පාරිසරික සහ වනජීවී සම්පත් පිළිබඳව නිශ්චිත ගණනයක් ලැබිය හැකි බවද ඒ මහතා පවසයි.
ඒ හරහා එක් අතකින් රටේ පාරිසරික සහ වනජීවී සම්පත් ගණනය වීමක් සිදුවන බවත් අනෙක් පැත්තෙන් මූල්යමය අගයක් ඒ පිළිබඳව වන බවත් ඒ මහතා සඳහන් කළේය.
දළ දේශීය නිෂ්පාදනය ගණනය කිරීමේ නිර්නායක වලදී පරිසරයට සිදුවන විනාශය පිළිබඳව ගණනය කිරීමක් සිදු නොවන බව පෙන්වා දුන් විපක්ෂ නායකවරයා එය ද සිදු කළ යුතු බව පැවසීය.
විපක්ෂ නායක සජිත් ප්රේමදාස මහතා මේ බව පැවසුවේ ඒ මහතාගේ සංකල්පයක් ලෙස සමගි ජන බලවේගයේ “හරිත ව්යාපෘතිය – Project Leopard” ව්යාපෘතිය හරහා “ලෝක වනජීවී දිනය” නිමිත්තෙන් යාල සුභ සාධක හා අන්යෝධාර සමිතියට ජල පෙරණ යන්ත්ර 10ක් සහ රූපවාහිනී යන්ත්රයක් පරිත්යාග කිරීමේ අවස්ථාවට පෙරේදා (03) එක්වෙමිනි.
RN
