ASK

ජාත්‍යන්තර මූල්‍ය අරමුදලේ සහය අවශ්‍ය වුවත් ඔවුන් කයන පලියට නැටිය යුතු නැති බවත් නව බදු යෝජනාවලියට කිසිසේත්ම එකඟ නැති බවත් සමඟි ජන බලවේගය පාර්ලිමේන්තු මන්ත්‍රී හර්ෂ ද සිල්වා මහතා පවසයි.

ශ්‍රේෂ්ඨාධිකරණ තීන්දුව හරහා මේ වන විට පළාත් පාලන මැතිවරණය සඳහා නීතිමය සහ මූල්‍යමය බාධාවක් නැති අතර මැතිවරණ කොමිසමට ලැබුණු මෙම අවස්ථාවෙන් හැකි ඉක්මණින් ජන්දය පැවැත්වීමට දිනයක් නියම කළ යුතු වන බව ජාතික ජන බලවේගය අවධාරණය කළේය.

තමන්ව ශ්‍රී ලංකා පොදුජන පෙරමුණේ සභාපති ධූරයෙන් ඉවත්කරන බවට එහි ලේකම් සාගර කාරියවසම් මහතා මාධ්‍යයට පවසා තිබුණද තමන්ට නිල වශයෙන් ලිඛිතව එය දැනුවත් කර නැති අතර එම අදාළ ලිපිය ලැබුණු පසු විවෘතව මාධ්‍ය හමුවේ ඒ ගැන කතා කළ හැකි බව පාර්ලිමේන්තු මන්ත්‍රී මහාචාර්ය ජී.එල්.පීරිස් මහතා පැවසුවේය.

මේ වන විටත් පසුගිය වසරට වඩා බදු ආදායම දෙගුණයක් වී ඇති අතර ආණ්ඩුව මුදල් නෑ කියන කතාව බොරුවක් බව පෙන්වා දිය හැකි බව සමඟි ජන බලවේගයේ පාර්ලිමේන්තු මන්ත්‍රී ලක්ෂ්මන් කිරිඇල්ල මහතා පවසයි.

ආණ්ඩුව තවදුරටත් වෘත්තිකයින්ගේ හඬට ඇහුම්කන් දීමට සූදානම් නැත්නම් රටම අකර්මන්‍ය කිරීමට සිදුවන තීරණ වලට යාමට සිදුවෙන බව වෘත්තිකයින්ගේ වෘත්තීය සමිති එකමුතුව වෙනුවෙන් රජයේ වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ මහතා පැවසුවේය.