Tag: 2022 මහජන අරගලය

ජනාධිපති ගෝඨාභය රාජපක්ෂ මහතාට සහ රජයට විරෝධය පළ කරමින් ඊයේ (07) රාත්‍රියේත් ප්‍රදේශ රැසක ජනතා විරෝධතා පැවැත්වුණු අතර අග්‍රාමාත්‍ය නිල නිවස වන අරලියගහ මන්දිරය ඉදිරිපිට පැවති විරෝධතාව දැඩි උණුසුම් මුහුණුවරක් ගත්තේය.

සිංහල - දෙමළ අලුත් අවුරුදු නිවාඩුව සඳහා හෙට (08) සන්ධ්‍යාවේ සිටම ගම්බිම් කරා යා හැකිවන පරිදි රජය අප්‍රේල් 11 සහ 12 රජයේ නිවාඩු දින වශයෙන් ප්‍රකාශයට පත් කළත් තමන් විරෝධතා නවතා කොළඹින් පිටව නොයන බව විරෝධතාවේ නියුතු තරුණ තරුණියන් පවසයි.

මොකක් හරි හේතුවකට අපි දැන් යම් 'සිද්දියක්' පටන් අරගෙන තියෙන්නේ. ඒකෙ පරමාදර්ශ, අරමුණු, සටන් පාඨ, සහභාගී වෙන පුද්ගලයෝ යනාදී දේවල් ගැන හැමෝටම යම් යම් ගැටළු ඇති. අන්තිමේ විප්ලවීය අවස්ථාව කියන්නේ මේ වගේ එකකටද කියලත් දැන් කුකුස් උපදිනවා ඇති. රුසියාවේ ලෙනින් කරපු විප්ලවයේ ෆොටෝ එහෙම අපේ හිත් වල පැළපදියම් වෙලා තියන නිසා අපි ෆැන්ටසි හදාගෙන ඉන්නවා විප්ලව මේ වගේ වෙන්න ඕනි කියල. එහෙම ෆැන්ටසි එකක් එක්ක ළඟම තියන ටවුමේ කොල්ලන්ගේ විරෝධයට එක්වුණාම හිතෙන්න පුළුවන් අයියෝ මේ මොකක්ද වගේ හැඟීමක්.

රටේ විවිධ ප්‍රදේශවල ජනතාව සාමකාමී ලෙස උද්ගෝෂණ, විරෝධතා පවත්වද්දී ඇතැම් සංවිධානාත්මක කණ්ඩායම් උද්ගෝෂණ මුවාවෙන් විවිධ කඩාකප්පල්කාරී ක්‍රියාවල නිරත වන බවද මන්ත්‍රීවරයා පවසනවා. මැති ඇමතිවරුන්ගේ නිවාසවලට අලාභ හානි සිදු කළේ මෙවැනි කණ්ඩායම් බව පෙන්වා දෙන විජේසේකර මහතා පවසන්නේ මේ නිසා ජනතාව විසින් සිදු කරන සාමකාමී උද්ගෝෂණද අවදානමට ලක්වන බවයි.

ජනාධිපති ගෝඨාභය රාජපක්ෂ මහතාගේ පුත්‍රයා පදිංචිව සිටින, ඇමරිකාවේ ලොස් ඇන්ජලීස් නගරයේ පිහිටි නිවස ඉදිරිපිටද විරෝධතා සිදුකර ඇති බව වාර්තා වේ. මේ සඳහා ඇමරිකාවේ පදිංචිව සිටින ශ්‍රීලාංකිකයන් පිරිසක් සම්බන්ධ වී ඇති බවයි වාර්තා වන්නේ.