ජනතාව අරගලය තෝරාගනිමින් සිටින්නේ අලුත් අයිතිවාසිකම් දිනාගැනීමට නොව තුන්වේල කා නොමැරී ජීවත්වීමට බව පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා පවසයි.
පසුගියදා සමාජවාදී තරුණ සංගමය විසින් සංවිධානය කර තිබුණු පාගමනට පහර දීම හෙළා දකිමිනුයි පුබුදු ජයගොඩ මහතා මේ බව සඳහන් කරන්නේ.
මෙලෙස විරෝධතාවලට පහර දීම,රාජ්‍ය රහස් පනත මඟින් අධිආරක්ෂිත කලාප නම් කිරීම, හදිසි නීතිය ආදිය ගෙන ඒමෙන් පෙන්නුම්කරන්නේ ආණ්ඩුව කොතරම් ජනතාවට බය වී ඇත්ද යන්න බව ඔහු කියා සිටියි.
ආරක්ෂක ලේකම් කමල් ගුණරත්න සහ ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් එම පහර දීම පිටුපස සිටින අතර ඔවුන්ගේ උපදෙස් මත ව්‍යවස්ථා විරෝධී ලෙස කටයුතු කරන නිලධාරීන් සම්බන්ධයෙන් නීතිමය ක්‍රියාමර්ග සඳහා යොමුවන බවද ඔහු කියාසිටියි.
එමෙන්ම හැම තැනම අධි ආරක්‍ෂිත කලාප පිහිටුවමින් යන්නේ ජනතාව විසින් රටම අධි උද්ඝෝෂණ තතත්වයක් බවට පත් කරයි කියන බයට යැයිද හෙතෙම පවසයි.
කෙසේවෙතත් දැන් ජනතාවට අරගල කිරීම හැර විකල්පයක් නොමැති බවයි පුබුදු ජයගොඩ මහතා අවධාරණය කරන්නේ.
ආණ්ඩුවේ මෙම පහත පෙලේ බියගැන්වීමට බිය නොවී අරගලයට එක් වන ලෙසද ජනතාවගෙන් ඉල්ලා සිටින බව ඔහු සඳහන් කරයි.
ASK
