සටහන – රුවන් නෙළුගොල්ල
ජාතික ජන බලවේගයේ රජය ඉදිරිපත් කර ඇති අතුරු සම්මත ගිණුම අනුව ජනවාරි සිට අප්‍රේල් දක්වා වියදම රනිල් වික්‍රමසිංහ ආණ්ඩුවේ එම වියදමටම සමාන බවත් ඒ අනුව හොරකම, නාස්තිය, වංචා, දූෂණ නැවැත්වීමෙන් ඉතුරු කරන බව පැවසූ මුදල් යන්නේ කොතැනටද යන්න ප්‍රශ්නයක් බවත් සමගි ජන බලවේගයේ පාර්ලිමේන්තු මන්ත්‍රී එස්. එම්. මරික්කාර් මහතා පවසයි.
“මේ අතුරු සම්මත ගිණුමේ වියදම් රනිල් වික්‍රමසිංහගේ ආණ්ඩුව ජනවාරි මාසෙ ඉඳලා අප්‍රේල් මාසෙ දක්වා වියදම් කරපු ගාණම හා සමානයි. අපි දැක්කා පහුගිය කාලෙ මේ උදවිය කියනවා මේ රටේ වංචාව, දූෂණය, නාස්තිය, හොරකම නතර කළාම වියදම විශාල ප්‍රමාණයකින් අඩුවෙනවා කියලා. නමුත් ඇස්තමේන්තුගත කරලා තියෙන මුදල අනුව වියදමේ ප්‍රමාණය අරන් බැලුවාම හොරකම් කරපු මුදල් කෝ ? වංචා කරපු මුදල් කෝ ? නාස්තිකාර වියදම් ටික කප්පාදු කළා නම් මේ මුදල් කොහෙටද යොමුකරන්නේ කියන එක මං හිතන්නෙ මේකෙ දක්වලා නෑ”
එස්. එම්. මරික්කාර් මහතා මේ බව පැවසුවේ ඊයේ (දෙසැම්බර් 05) පාර්ලිමේන්තුවේ පැවති අතුරු සම්මත ගිණුම පිළිබඳ විවාදයට එක්වෙමිනි.
