සටහන: සශිකලා මධුෂාණි
අප්රේල් මස 13; ලෝකය(අවුට්බවුන්ඩ් ටුඩේ): එක්සත් ජනපද ජනාධිපති ඩොනල්ඩ් ට්රම්ප්ගේ නියෝග මත අද(13) සිට ඉරාන වරායන් සහ වෙරළබඩ ප්රදේශවලට ඇතුළු වන සහ පිටවන සියලුම සමුද්රීය ගමනාගමනය අවහිර කිරීම ආරම්භ කරන බව එක්සත් ජනපද හමුදාව ප්රකාශ කර තිබේ.
ඉස්ලාමාබාද්හි පැවැති සාම සාකච්ඡා එකඟතාවයකින් තොරව අවසන් වීමෙන් පසු මෙම තීරණය ගෙන ඇති අතර, ඕනෑම රටකට අයත් නෞකාවක් ඉරානය සමඟ ගනුදෙනු කරන්නේ නම් මෙම අවහිර කිරීමට යටත් වන බව අමෙරිකාව අවධාරණය කර ඇත.
කෙසේ වෙතත්, ඉරානයට සම්බන්ධ නොවන නෞකා සඳහා හෝමූස් සමුද්ර සන්ධිය හරහා ගමන් කිරීමට බාධාවක් නොවන බව ද වාර්තා වේ.
කෙසේ නමුත් මේ සම්බන්ධයෙන් ‘උගත් පාඩම් ශුන්ය’ බව ඉරානය ප්රකාශ කර ඇති අතර හොමුස් සමුද්ර සන්ධියට ළඟා වන හමුදා යාත්රා සටන් විරාමයක් කඩ කිරීමක් ලෙස සලකනු ලබන බව ඉරානයේ ඉස්ලාමීය විප්ලවවාදී ආරක්ෂකයින් අනතුරු ඇඟවා ඇත.
