කොළඹ LNW: අප්රේල් 08 වැනි දින කැබිනට් මණ්ඩලය විසින් අනුමත කර තිබෙන සංශෝධිත නව විදුලිබල පනත මඟිනුත් විදුලි බල ක්ෂේත්රයේ ප්රශ්න විසඳී නොමැති අතර එය පාර්ලිමේන්තුවේදී සම්මත වුවහොත් ඉදිරියේදී විදුලි ක්ෂේත්රය බරපතල අර්බුදයකට ගමන් කරනු ඇති බවට ලංවිම ඉංජිනේරු සංගමය අවධාරණය කරයි.
පසුගිය දෙසැම්බර් මස ඉදිරිපත් කරන ලද පනතට සංශෝධන ගෙන එමින් සංශෝධිත පනත ගැසට් කර තිබෙන නමුත් ඉන් තවදුරටත් විදුලි බල ක්ෂේත්රයේ ප්රශ්න මතු කර තිබෙන බවත් සංශෝධන සිදුකිරීමේදී ඊට ජනතාවගේ මෙන්ම මෙම ක්ෂේත්රයේ විද්වතුන්ගේ අදහස්වලට ආණ්ඩුව අවධානය යොමුකර නැති බවක් පෙනෙන්නට ඇති බවයි එම සංගමය පවසන්නේ.
අද (18) මාධ්ය හමුවක් කැඳවමින් ලංවිම ඉංජිනේරු සංගමය සඳහන් කරන්නේ මෙම තත්ත්වය නිවැරදි කර ගැනීම සඳහා සිවිල් සංවිධාන, පක්ෂ විපක්ෂ නියෝජිතයින් මෙන්ම විද්වතුන්ද නව කතිකාවක් ඇරඹිය යුතුවන බවයි.
මේ අතර මෙම සංශෝධිත පනත සම්මත කරගෙන ඇත්තේද කඩිමුඩියේ වන අතර එදින සැලකිය යුතු පිරිසක් කැබිනට්ටුවේ සිට නැති අතර එදින න්යාය පත්රයේද ඒ ගැන සඳහන් වී නොමැති බවයි ලංවිම ඉංජිනේරු සංගමය පවසන්නේ.
ආශිකා බ්රාහ්මණ
