Tag: SJB

සමඟි ජන බලවේගය සහ ආණ්ඩුවෙන් ස්වාධීන වූ මන්ත්‍රී කණ්ඩායම අතර පැවති සාකච්ජාවේදී අගමැති මහින්ද රාජපක්ෂ මහතා සිය ධූරයෙන් ඉවත් වන බව ප්‍රකාශ කෙරුණු බව සමඟි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා මාධ්‍ය වෙත පැවසුවේය.

මහින්ද රාජපක්ෂ මහතා අග්‍රාමාත්‍ය ධුරයෙන් ඉවත් වීමෙන් අනතුරුව ස්වාධීන මන්ත්‍රී කණ්ඩායම, ශ්‍රී ලංකා පොදුජන පෙරමුණ සහ සමගි ජන බලවේගයේ මන්ත්‍රීවරුන් කොටසක් ඇතුළු පිරිසක් එක්ව නිර්මාණය කිරීමට නියමිත "ජාතික එකඟතා ආණ්ඩුවේ" මුදල් අමාත්‍ය ධුර සඳහා පාඨලී චම්පික රණවක මහතාගේ නම යෝජනා වී ඇති බව අභ්‍යන්තර ආරංචිමාර්ග පවසයි.

ජනධිපතිවරයාට ප්‍රමුඛ රජයට සහ අගමැතිවරයා ප්‍රමුඛ රජයට එරෙහිව සමඟි ජන බලවේගය විසින් විශ්වාසභංග යෝජනා දෙකක් කථානායකවරයා වෙත භාර දීමට කටයුතු කර තිබේ.

ඛනිජතෙල් ප්‍රවාහනය කරන පෞද්ගලික ටැංකි රථ හිමියන්ගේ සංගමය විසින් ආරම්භ කර තිබූ වැඩවර්ජනයෙන් අක්‍රීය වුණු එම බෙදාහැරීම් කටයුතු හෙට සන්ධ්‍යාව වන විට යථාතත්ත්වයට පත්කර ගත හැකි වනු ඇති බව එම සංගමයේ ලේකම් ශාන්ත සිල්වා මහතා පැවසුවේය.

රටේ පවතින දේශපාලන අර්බුදය හමුවේ අග්‍රාමාත්‍ය මහින්ද රාජපක්ෂ මහතා තනතුරින් ඉවත්කර සර්ව පාක්ෂික අන්තර්කාලීන ආණ්ඩුවක් පිහිටුවීම සම්බන්ධයෙන් ඉදිරිපත්ව ඇති යෝජනාවට එකඟවන ලෙස ඕමල්පේ සෝභිත හිමි පසුගිය දින ගණනාවක් පුරා විපක්ෂ නායක සජිත් ප්‍රේමදාස මහතාට දැඩි බලපෑමක් කර ඇති බව දේශපාලන ආරංචිමාර්ග පවසයි.